Маңғыстауда 26 қазандағы жағдайға сәйкес I-II деңгейлі инфекциялық стационарларда 64 адам ем қабылдап жатыр, деп хабарлайды облыстық денсаулық сақтау басқармасының баспасөз қызметі.
64 науқастың ішінде 6-да коронавирусқа тапсырған сынама оң нәтиже көрсеткен. Қазіргі уақытта жансақтау бөлімінде 6 науқас жатыр. Оның 5-нің жағдайы ауыр, тағы 1 науқас өте ауыр халде деп бағалануда. Бұл бөлімге түскендердің нашарлауына жедел тыныс жетіспеушілігі және ілеспе аурулары себеп болып отыр. Үй карантинінде оқшауланған 16 адам бар, делінген ақпаратта.
Бүгінде аймақтың оқшаулау орындарындағы төсек-орын жүктемесі 30 пайызды құрайды. Облыс көлемінде 215 инфекциялық І-ІІ сатылы төсек орын бар. Сондай-ақ, реанимациялық төсек саны 43. Анықтамасыз шетелден келген Қазақстан Республикасының азаматтары мен шетел азаматтарына арналған карантиндік стационарларда барлығы 270 төсек орын бар.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
