Маңғыстау облысы жылыту маусымына дайын

Энергетика және тұрғын үй-коммуналдық шаруашылығы басқармасы ақпаратына сәйкес, облыс бойынша барлық нысан 2020-2021 жылғы жылыту маусымына дайын. Бұл туралы Маңғыстау облыстық төтенше жағдайлар департаментінің басшысы Қуанар Базарбаев мәлім етті.

Биыл Маңғыстау облысында 9 айдың ішінде 178 өрт тіркелді. Оның ішінде тұрғын үй секторына тиесілі 65 өрт. Өрттерде қаза тапқандар тіркелген жоқ. Әртүрлі дәрежеде 3 адам жарақат алды. Улы газдан улану салдарынан 2 адам жарақат алды. Облыста табиғи газбен уланудан қаза болу себебі - газ қазандығын орнату және пайдалану кезінде өрт қауіпсіздігі ережелерін сақтамау.

Айта кетейік, Маңғыстау облысының барлық елді мекендері орталықтандырылған газбен қамтамасыз етілген.

Өрттің алдын алу және адамдардың улы газбен уланудан қаза болуы мен жарақаттануын болдырмау мақсатында халықпен тұрақты түрде өрт қауіпсіздігі қағидаларын түсіндіру жұмыстары жүргізіледі. Бұл - жылыту маусымына дайындық кезеңінің басым бағыттарының бірі.

Осыған байланысты Департамент жергілікті атқарушы органдармен бірлесіп, халықтың әлеуметтік осал топтарының 3 мыңнан астам үйін есепке алды, оның ішінде барлық үйлер аулаларды аралады.

«Рейдтер нәтижесінде 648 үйде 749 өрт қауіпсіздігі талаптарын бұзу анықталды. Айта кету керек, бұған дейін бұзушылықтар анықталған үйлер 1 қарашаға дейін қайта тексеріледі, 398 үй қамтылды. Ал халықтың әлеуметтік осал топтарының тұрғын үйлерін қоспағанда, Департамент қызметкерлері 8 мыңнан астам адамды қамти отырып, 3 мыңнан астам аулаларды аралап шықты. Өрт кезінде дұрыс мінез-құлық дағдыларын дамыту мақсатында 240 оқу орнында 14 мыңнан астам оқушыны қамти отырып, 28 интерактивті және ашық сабақ өткізілді», - деді Қуанар Базарбаев.

Сонымен қатар, жергілікті атқарушы органдардың көмегімен Бейнеу ауданында 2020 жылға жалпы сомасы 1 млн 386 мың теңгеге 198 газ талдағыш сатып алынды.

Тұрғын үй секторында өрт қауіпсіздігін қамтамасыз ету бойынша шаралар кешені жалғасып жатыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.