Тұтынушылар құқықтарының бұзылуы туралы шағымдар саны артқан

Жыл сайын Қазақстанда тұтынушылардың құқықтарының бұзылуы туралы шағымдар саны 20 пайызға артып келеді. Бұл туралы Сауда және интеграция вице-министрі Қайрат Балықбаев айтты, деп хабарлайды mangystaumedia.kz Zakon.kz сайтына сілтеме жасап.

Қайрат Балықбаев 2020 жылы уәкілетті органға тұтынушылардың құқықтарын бұзу туралы 21 мың шағым түскенін, ал 2022 жылы шағымдар саны 30 мыңға дейін өскенін хабарлады.
«Басқа мемлекеттік органдарда 2021 жылмен (ол кезде 44,8 мың арыз түскен) және 2022 жылмен (ол кезде 49,8 мың шағым түскен) салыстырғанда түскен арыз-шағымдардың өсімі 11%-ды құрады. Осындай жағдай қоғамдық тұтынушылар бірлестіктеріне арыз-шағымдардың түсуінде де байқалады. Бұл экономиканың жекелеген секторларында тұтынушылардың құқықтарын қорғау саласындағы жүйелі проблемаларды көрсетеді», - деді Сауда және интеграция вице-министрі.

Тұтынушылар өздерінің құқықтарының бұзылуына келесі салаларда шағымданады:

бөлшек сауда (48%, 14,3 мың шағым);
тұрмыстық қызмет көрсету (19%, 4,7 мың қоңырау түскен);
электрондық коммерция (9%, 2,6 мың шағым).

Ең көп шағым қоғамдық тамақтандыру қызметтерін көрсетуде – 2,8 есе, көлік және байланыста – 2,5 есе, сондай-ақ медициналық қызмет көрсету саласында – екі есеге өскен болды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.