ҚР ІІМ ӘПК төрағасының міндетін атқарушы Қайсар Сұлтанбаев шетелден әкелген көлігін заңдастыра алмай жүрген азаматтарға үндеу жасады, деп хабарлайды mangystaumedia.kz сайты Zakon.kz-ке сілтеме жасай отырып.
-Бүгінде 35 мың азаматтың өтініші мақұлданып, сонымен қатар 15 мың азамат өздерінің көлік құралын мемлекеттік есепке тіркеді, бірақ кейбір азаматтарымыз өздерінің көлік құралдарын тіркей алмай, наразылық білдіріп жатыр.
Естеріңізге сала кетейік, 1 шілдеге дейін жалғасады. Өтініші мақұлданбаған азаматтарды сабырға шақырамыз. Әрбір өтініш жеке әрі мұқият қарастырылып жатыр. Осы мәселені шешу бойынша басқа да мемлекеттік органдармен және шетелдік әріптестермен бірлескен жұмыстар атқаралып жатыр. Атап айтсақ, көлік құралын басқа елден тіркеуден шығару, кедендік тазартудан өтпеген және ешқандай мемлекетте есепте тұрмаған, яғни қосалқы бөлшектер болып кірген көліктер бойынша нақты шешім қабылданады, - деді ол.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
