Еліміздің батысында ауа температурасы -32градусқа дейін төмендейді

Қазгидромет 13-15 ақпанға арналған ауа райы болжамын жариялады, деп хабарлайды mangystaumedia.kz.

13-14 ақпанда фронтальды бөлімдердің өтуімен Қазақстанның басым бөлігінде ауа-райының тұрақсыз болады, жаңбыр мен қар түрінде жауын-шашын түсіп, солтүстік өңірлерде қалың қар жауады, бұрқасын, көктайғақ болу қаупі бар.

Сондай-ақ ауа температурасы батыста 5 аяз -5 жылыға дейін, солтүстік, орталық шығыс өңірлерде 5 аяз-2 жылыға дейін жоғарылайды. 15 ақпанда циклон Қазақстан аумағынан жылжып, оның соңынан арктикалық антициклон енеді, ол аязды республиканың солтүстік жартысына қайтарады.

Еліміздің батысында, солтүстік-батысында және солтүстігінде 15 ақпанда ауа температурасы түнде 22-32, күндіз 15-27 аязға дейін төмендеуі мүмкін. Еліміздің қалған аумағында температуралық фонда күрт өзгерістер күтілмейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.