Премьер-Министрдің орынбасары Тамара Дүйсенова Сенат депутаттарының сауалына берген жауабында келер оқу жылында бірнеше мектепке буллингке қарсы жаңа бағдарлама енгізілетінін айтқан, деп хабарлайды mangystaumedia.kz сайты kaz.inform.kz порталына сілтеме беріп.
«Сонымен қатар, кешенді жоспар аясында 110 мектепте пилот ретінде Финляндияның буллингке қарсы «Kiva» бағдарламасын енгізу жоспарланып отыр. «Назарбаев зияткерлік мектептері» дербес білім беру ұйымының базасында 5 халықаралық сертификатталған жаттықтырушы даярланды, 8 мыңға жуық педагог және бағдарламаның 332 үйлестірушісі оқытылады» деп жазылған Т.Дүйсенованың жауабында.
Бұл бағдарлама жаңа оқу жылынан бастап пилоттық режимде енгізілмек.
«Осы бағдарлама аясында педагог-психолог тоқсан сайын әрбір сыныппен буллингке қарсы 1 сағаттан сабақ өткізеді» деп жазады вице-премьер.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
