Автомобиль жолдарының жағдайын бақылауға арналған қосымша 2020 жылы іске қосылады
[ 2019 ] 13 қараша, 10:08 | Қазақстан жаңалықтары
Арнайы әзірленген жол активтерін басқару жүйесі жол қозғалысының қатысушылары республикалық және жергілікті маңызы бар жолдардың жағдайын бақылап, жол бойында қызмет көрсететін нысандар, аялдамалар, елді мекендер мен мердігер ұйымдар туралы толық ақпаратты көре алады, - деп хабарлайды mangystaumedia.kz сайты ҚР ИИДМ баспасөз қызметіне сілтеме жасап.
Жоғарыда аталған мәліметтердің барлығын ҚР ИИДМ Автомобиль жолдары комитеті Ұлттық жол активтері сапасының орталығы жинайтын болады. Бірінші кезекте, жүйеде ұзындығы 24 мың шақырымды құрайтын республикалық маңызы бар автомобиль жолдары жөніндегі ақпарат қолжетімді болмақ. Бұдан кейін жергілікті жолдардың жағдайына қатысты мәліметтер енгізіледі.
Жүйе техникалық тұрғыда келесі жылдың мамырында іске қосылады деп күтілуде. Ал пайдаланушылар оны 2020 жылдың 1 маусымынан бастап қолдана алады. «Жол активтерін басқару жүйесі» қосымшасын Android және iOS платформасынан тегін жүктеп алуға болады.
693
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
