14 мыңнан астам мектеп бітіруші ҰБТ-да ең төменгі ұпайды жинай алмаған

©

Қазақстанда 98 698 бітіруші елдің басты емтиханын тапсырды.

Бұл туралы Орталық коммуникациялар қызметінде өткен баспасөз мәслихатында ҚР Білім және ғылым министрлігінің «Ұлттық бірыңғай тестілеу» РМҚК директоры Рамазан Әлімқұлов айтып берді.

«Жалпы, биыл ҰБТ 167 пунктте өткізілді. Соның ішінде колледждер базасында - 3, жоғары оқу орындары базасында - 48, мектептер базасында - 116 пункт болды. Биыл ҰБТ тапсыруға 102447 өтініш берілді. Соның 77224-і қазақ тілінде, 25177-сі орыс, ал 46-сы ағылшын тілінде тапсыру ниетін білдірген. Іс жүзінде биыл 98698 бітіруші ҰБТ тапсырды, былтыр бұл көрсеткіш 88583 болатын», - деді ол.

Рамазан Әлімқұловтың айтуынша, 9 мектеп бітірушінің тапсырған емтихан нәтижелері күшін жойған. Төменгі межеден 84065 бітіруші сәтті өтті, ал осы межені бағындыра алмағандар саны - 14633.

Биыл бес пән бойынша орташа балл 83,1-ді құрады (2017 жылы бұл көрсеткіш 80,5 болатын).

Биыл ең жоғары балл да былтырғыдан бір саты жоғарылап, 140 балға жетті.

ҚазАқпарат

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.