Ақтаудағы әскери қызметшілерге тұрғын үйдің кілті табысталды

Ақтау қаласындағы әскери қызметшілерге 96 пәтерден тұратын 4 тұрғын үйдің кілті табысталды, - деп хабарлайды mangystaumedia.kz сайты ҚР Қорғаныс министрлігіне сілтеме жасап.

Тұрғын үйлер әскери қалашықтарды дамыту бағдарламасы аясында тез салынатын үйлердің жеке жобасы бойынша салынған. Пәтерлер толығымен жабдықталған және тұруға дайын. Атап айтқанда әдемі әрлеу, санитарлық техника құрылып, қажетті жиһаз бен тұрмыстық техникада бар. Тұрғын үйге қарасты аумақта абаттандырылған. Аймақ бойынша жарық орнатылып, асфальт төселіп, аулада спорттық алаң, балаларға арналған ойын алаңқайлары мен орындықтар құрылған.

Әскери қызметшілердің әскери қалашыққа көшуі бөлімшелердің жұмылдыру және жауынгерлік даярлықтарына оң септігін тигізеді.

Одан басқа, қызметтік пәтерді алған әскери қызметшілер ағымдағы тұрғын үй төлемдерінің 50% көлемдегі мөлшерін алуды жалғастырып, жинақтарын толықтыра алады. Әскери қызметшілердің балаларына арналған мектеп пен балабақша бар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.