Нұр-Сұлтан қаласында республикалық форум өтті

Астанамыз Нұр-Сұлтан қаласында «Жаһандық құндылықтар және қазақстандық білім мен ғылымның сапасы» атты білім және ғылым қызметкерлерінің республикалық форумы басталып, пленарлық мәжіліс алдында бірнеше секциялар өз жұмыстарын қызу дайындықпен бастады. Аталған форумға «Өрлеу» біліктілікті арттыру ұлттық орталығы» АҚ филиалы Маңғыстау облысы бойынша педагогикалық қызметкерлердің біліктілігін арттыру институтының директоры Қалиева Эльмира Ізмұханқызы қатысты. ҚР Ұлттық академия­лық кітапханасының ғимаратында ҚР Білім және ғылым вице­министрі Б.Асылованың модератор­лығымен өтіп жатқан «Өзін-­өзі тану» адамгершілік­рухани білім беру бағдарламасы негізінде тәрбиелеу мен оқыту жүйесін қалыптастыру» секциясына ҚР БжҒМ Раиса Петровна Шер, «Бөбек» ұлттық­-практикалық бі­лім беру және сауықтыру орта­лығының бас директоры Елена Николаевна Сакенова және облыстардың, Нұр-­Сұлтан, Алма­ты, Шымкент қалалары білім басқармалары басшыларының орынбасарлары, «Өзін­-өзі тану» адамгершілік­-рухани білім беру бағдарламасын іске асыру бойын­ша негізгі білім беру ұйымдары­ның басшылары, «Өзін­-өзі тану» адамгершілік­-рухани білім беру бағдарламасы бойынша жоға­ры оқу  орындарының үйлесті­ру кеңесінің мүшелері, «Өрлеу» БАҰО» АҚФ басшылары және «Өзін-­өзі тану» адамгершілік-рухани білім беру бағдарламасы бойынша тренерлер қатысып, жа­ңа оқу жылында алға қойылған міндеттерді талқылады. «Өрлеу» БАҰО» АҚ мен «Бөбек» ұлттық ғылыми­-прак­тикалық, білім беру және сауықтыру орталығы біліктілік арттыру курстарының ұйымдас­тырушылары болып табылады. Сонымен қатар секцияда 2019­-2020 оқу жылында жоғары оқу орындары мен колледж оқыту­шыларына арналған әдістемелік құралдардың қажеттілігіне, бі­лім беру ұйымдарын ақпараттық қолдауға, «Өзін-­өзі тану» пәнінің берілу сапасын  тексеруге, «Ата­-ана қамқоршылығы» халықара­лық қоғамдық қозғалысының жұмысына қазақстандықтардың қатысуына, пәндер мен сынып сағаттарының, тәрбиелік ша­ралардың «Өзін-­өзі тану» пәні ұстанымдарының басым бағыт­тарымен ықпалдастырылу мәсе­лелеріне баса көңіл бөлінді.

Үміт ЖӘЛЕКЕ