Елордада АХҚО соты мен Халықаралық төрелік орталығы ашылды
[ 2019 ] 2 шілде, 10:00 | Жаңалықтар
Астана халықаралық қаржы орталығында АХҚО соты мен Халықаралық төрелік орталығы ашылды, — деп хабарлайды mangystaumedia.kz сайты ҚазАқпаратқа сілтеме жасап.
Салтанатты рәсімге ҚР Президенті Қасым-Жомарт Тоқаев қатысты.
«Бүгін біз тарихымыздың жаңа бөлімін ашып отырмыз. АХҚО судьялары өте маңызды рөл атқарып, әділдік пен шыншылдықтың символы болып қалады. Бүгінгі шараны Қазақстан тарихындағы беделді төреші Төле би атындағы залда өткізуіміз де тегін емес. АХҚО сотының төрағасы Лорд Вульфке және Халықаралық төрелік орталығының төрайымы Барбара Доманнға және АХҚО сотының бас жетекшісіне аталған сот пен орталықты ашуға қосқан үлесі үшін ерекше алғыс айтамын. Толағай табыс тілеймін. Және АХҚО соты мен Халықаралық төрелік орталығын ашық деп жариялаймын», - деді Қасым-Жомарт Тоқаев.
1125
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
