Маңғыстау облысында халық саны 681 мыңнан асты
[ 2019 ] 3 мамыр, 06:00 | Жаңалықтар
Маңғыстауда жыл басынан бері халықтың саны 0,5 пайызға өскен. Бұл туралы Өңірлік коммуникациялар қызметі алаңында өткен брифингте Маңғыстау облыстық статистика департаментінің басшысы Римма Утюшева айтты, - деп хабарлайды mangystaumedia.kz сайты.
2019 жылғы 1 наурыздағы есеп бойынша Маңғыстауда 681 469 адам тұрады, оның 270 947 (39,8%) қала тұрғыны болса, 410 522 адам (60,2%) ауылды мекен етеді.
«2019 жылғы қаңтар-ақпан айларында Маңғыстауда 3115 нәресте дүние есігін ашқан. Оның 1609 - ер бала, 1506 - қыз бала. Сәбилердің 868-сі Ақтау қаласында туған. Олардың 439 - ұл, 429 - қыз. Жаңаөзенде 697 (380/317) нәресте өмірге келді. Бейнеу ауданында 351, Қарақия ауданында 180, Маңғыстау ауданында 171, Мұнайлы ауданында 704, Түпқараған ауданында 144 сәби дүниеге келді», - деді Римма Утюшева.
Осы кезең ішінде облыста 466 адам қайтыс болған. Қаңтар-ақпан айларында облыс халқының табиғи өсуі 2649 адамға жетті, соның ішінде Ақтау қаласында - 685 адам, Жаңаөзенде - 615 адам, Бейнеу ауданында - 302 адам, Қарақия ауданында - 156 адам, Маңғыстау ауданында - 145 адам, Мұнайлы ауданында - 629 адам, Түпқараған ауданында - 117 адам.
Жылдың алғашқы екі айында Маңғыстау өлкесінде 1333 шаңырақ құрылып, 489 отбасы ажырасқан.
3201
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
