Ақтаудағы колония іздеу жарияланған қашқынды ұстады
[ 2019 ] 11 ақпан, 06:45 | Жаңалықтар
Ақтауда Маңғыстауда қоныстану колониясына оралмаған сотталушыға іздеу салынғанын жазғанбыз. Ол Маңғыстау облыстық қылмыстық-атқару жүйесі департаментінің ГМ-172/8 түзеу мекемесінен 4 ақпан күні шығып кетіп, қайта келмеген. Жедел іздестіру шаралары барысында ол 10 ақпан күні қолға түскен. Бұл жөнінде ҚР ІІМ Қылмыстық-атқару жүйесі комитетінің баспасөз қызметі хабарлады.
«10 ақпан кешкісін ГМ-172/8 мекемесінің қызметкерлері Ұлттық гвардия және Маңғыстау облыстық полиция департаментінің қызметкерлерімен бірлесіп жүргізген жедел-іздестіру іс-шаралары нәтижесінде М.Бердиев қаладағы шағын аудандардың бірінде ұсталды», - делінген хабарламада.
Қазіргі уақытта сотталушыға қатысты ҚР ҚК 427-бабы бойынша қылмыстық факт тіркелді. М.Бердиевке түзеу мекемесіне оралмағаны үшін екі жылға бас бостандығынан айыру жазасы берілуі мүмкін.
858
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
