Маңғыстаулық театрлар ақпан айында қандай қойылымдар ұсынады?

©

Нұрмұхан Жантөрин атындағы музыкалық-драма театры ақпан айында төмендегідей қойылымдарды көрермендерге ұсынбақ.

1 ақпанда «Перзентхана» драмасы қойылса, ал 2 ақпанда «Ну, погоди» балалар ертегісі болады. Театр 3 ақпанда «Бес бойдаққа бір той» атты комедиялық қойылымды көрерменің назарына ұсынады. 6 ақпан күні «Айлакер Ару» музыкалық комедия мен 8 ақпанда «Ескі үйдегі кездесу» драмасы болады.

Сондай-ақ шаһар бүлдіршіндері 9 ақпанда «Бауырсақ» балалар ертегісін тамашай алады. Театр сүйер қауымға 10 ақпан күні «Пай-пай, жас жұбайлар-ай!» комедиясы мен 13 ақпанда «Үрей дерті» әфсана спекталін көрсетеді. Сонымен қатар 15 ақпанда «Әлиханның аманаты» реквием мен 16 ақпанда «Үш торғай» балалар ертегісі болмақ. 17 ақпанда «Диоген мен Ескендір» әфсанасы, ал 20 ақпанда «Ханума» поп-арт комедиясы болады. 22-24 ақпан күндері «Страх» мелодраммасының премеьерасы орыс тілінде өтпек. 23 ақпанда «Бремен музыканттары»  балалар ертегісі қойылады. Сондай-ақ 27 ақпанда  Григорий Горин пьесасының негізінде сахналанатын «Атың өшсін, Герострат» атты драмасының премьерасы болады.

Маңғыстау облыстық қуыршақ театрының ақпан айына арналған репертуары

Облыстық қуыршақ театрында сағат түскі 11.00-де орыс тілінде спектакльдерді көрсетсе, сағат 12.00-де сол қойылымдардың қазақша нұсқасы болмақ. Балалардың назарына 2 ақпан мен 16 ақпан күні «Маленькие человечки» мен «Кішкентай адамдар» қойылымдарын көрсетеді. Ал 9 ақпанда бүлдіршіндер «Непослушные дети», «Тынымсыз балалар» атты спектаклін тамашалай алады. Бұл репертуар 23 ақпан күні де қайталанады.