Былтыр Маңғыстауда 15,8 млрд теңгеге ауылшаруашылығы өнімі өндірілген

Бұл жөнінде өңірлік коммуникациялар қызметінде Маңғыстау облыстық ауылшаруашылығы басқармасының басшысы Серік Қалдығұл баяндады.

Бүгінде Маңғыстауда 540 мың мал басы бар. Оның ішінде сиыр – 19 мың, қой-ешкі – 390 мың, жылқы – 73 мың және түйе – 61 мың.

Қазір өңірде 1161-і қызмет етеді. Оның 1000-ы мал шаруашылығы, 161-і егін шаруашылығы бағытында.

«Егін шарушалығына, соның ішінде жылыжайларға көңіл бөлінуде. Былтыр жылыжайлардың саны 41-ге жетіп (24 Га), көкөніспен қамту 18 мың тоннаға артты. Арнайы жоспарға сәйкес аймақтағы жылыжайлардың аумағын 36 гектарға ұлғайту көзделді. Алдағы айда 2, ал күзге таман тағы 7 бірдей жылыжай кешені іске қосылмақ», - деді С.Қалдығұл.

Айта кетейік, 2016-2018 жылдары Маңғыстауда 21 ауыл шаруашылығы кооперативі құрылған. Олардың 2-еуі - шұбат өндіру, 3-еуі мал сою, 14-і ет, шұбат өндіру және 2-еуі көкөніс-бақша дақылдарын өндіру бағытында құрылған, қазіргі таңда 12 кооператив жұмыс жасап тұр.

Теңге БЕКМҰРЗАЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.