Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облыстық «Жас Батыр» мамандандырылған балалар мен жасөспірімдер спорт мектебі Қазақстан Республикасы бойынша «Үздік спорт мектебі» номинациясын жеңіп алды. Жүлде спорт мектебіне Қазақ спорт және туризм академиясы мен «Спорт жұлдыздары» журналының біріккен жобасында берілді. Алматыда өткен салтанатты шарада 2018 жыл қортындыланып, спорт саласының үздіктеріне түрлі жүлделер табысталды, - деп хабарлайды mangystaumedia.kz сайты.
«Бұл «Жас батыр» спорт мектебінің барлық қызметкерлерімен бірге, біздерге тілеулес ағайын, дос-жаранның еңбегі деп білемін. Барша ұжымдастарыммен маңғыстаулықтарды жеңістерімен және осындай жетістіктерімен шын жүректен құттықтаймын! Бұндай жетістікті місе тұтып дандайсып қалмаймыз, бұл анық! Біздің жұмыс жоспарымыз енді басталады», - деп жазды спорт мектебінің директоры Манарбек Бисекенов өзінің фейсбук парақшасында.
[gallery td_select_gallery_slide="slide" ids="68005,68003"]Айта кетелік, «Жас батыр» мектебінде дзюдо, самбо, волейбол, баскетбол, жекпе-жек сайысы, көркем гимнастикамен айналысып, білікті бапкерлерден дәріс ала алады. Осы 6 бөлімде 974 спортшы тәлім алады, оларға 34 жаттықтырушы-ұстаз дәріс береді. 25 жаттықтырушының жоғары, 9 жаттықтырушының орта-арнаулы білімі бар. Дзюдо мен самбо күресінен бөлек мектеп спортшылары жекпе-жек сайысында жоғары көрсеткіштерге ие.
Атап айтсақ, мектептің алты бірдей дзюдошысы Рамазан Мамаев, Бауыржан Нарбаев, Сұңғат Жұбатқан, Бауыржан Сағынғалиұлы, Ақниет Тұрдан, Әмірбек Жеңісов қазіргі таңда Қазақстанның ұлттық құрамасына енген. Нұркен Домбаев, Мұхаммед Зұлхарнаев, Нұрлыбай Серғазиев, Асхат Хапанов, Балнұр Аппазова сынды самбошылар халықаралық жарыстарда топ жарып, Қазақстанның туын желбіретіп жүр.
Суретті спорт мектебі ұсынды
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
