Арменияның астанасы Ереван қаласында дзюдодан халықаралық турнир тәмамдалып, жеңімпаздар анықталды. 21-ші рет ұйымдастырылған жарысқа Қазақстан, Армения, Грузия, Иран, Ресей мемлекеттерінен 500-ден астам балуан қатысты.
13-15 қазан аралығында өткен жарыстан маңғыстаулық балуандар, облыстық «Жас батыр» мамандандырылған балалар мен жасөспірімдер спорт мектебінің шәкірттері 66 келі салмақта Нұрбек Қуанышұлы, Жасұлан Асанов, 81 келі салмақта Салауат Тоқсанов, +81 келі салмақта Мұхамбет Зұлхарнаев жарыстың жүлдегері атанып, қола медальді қанжығалады.
- Жарыс 2000-2005 жылы туған жасөспірімдер арасында өтті. 2000-2002 жылы туған балуандар арасында Нұрбек, Салауат, Мұхамбет қоланы және 2003-2005 жылғылар арасында Жасұлан да үшінші орынға тұрақтады. Аталмыш жарысқа Маңғыстау облысынан тоғыз спортшы қатысты, - дейді облыстық «Жас батыр» мамандандырылған балалар мен жасөспірімдер спорт мектебінің бапкері Жомарт Қобыланов.
Венера МИРЛАН
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
