Маңғыстауда өткен аптада 3 өрт жағдайы тіркелді

©

2018 жылдың 23 мен 28 қазан аралығында Өрт сөндіру және авариялық-құтқару жұмыстары қызметінің бөлімшелері дабыл бойынша -14 рет шыққан. Оның ішінде 3 өрт жағдайы,  9 рет жану жағдайы, 1 рет авариялық-құтқару жұмыстары және 1 рет жалған ақпарат келіп түскен. Бұл туралы mangystaumedia.kz сайтына Маңғыстау облысы ТЖД баспасөз қызметі мәлімдеді.

Маңғыстау облысы ТЖД Өрт сөндіру және авариялық-құтқару жұмыстары қызметінің хабарлауынша, 26 қазан күні сағ. 16:19-да Ақтау қаласы 12 ш/а, 59 уйдің артында тас жолында жүріп келе жатқан, 2003 жылы шыққан, мемлекеттік нөмірі: KZ 547 LSA 12 «MERСEDES A160» маркалы автокөлік толықтай жанып кеткен. Оның себебі мен залалдарын кезекші тергеушілер анықтап жатыр.

27 қазан күні сағ. түскі 14:30-да Жаңаөзен қаласы Ақсу шағынауданында, 9 А көшесі 1 үйдің ауласында өрт оқиғасы тіркелген. 1 қабаттан тұратын таспен қаланған, төбесі профнастильмен жабылған 3 бөлмелі сарайдың кіре берісінде тұрған гидроскутерден өрты шығып, жанындағы көрпе-төсек және жиһаз жанып кеткен. Ал қалған 2 бөлмесі ысталған. Жалпы көлемі 60 шаршы метрлі сарайдың 4 шаршы метр жанып кеткен. Өрттен зардап шеккендер жоқ.

Сондай-ақ облыстық төтеше жағдайлар департаментінің хабарлауынша, 28 қазан күні сағ. кешкі 18:19-да Шевченко қаласы Сыздықов көшесі,№3 үйдің ауласында бөлек орналасқан, 1 қабатты тастан қаланған, төбесі ағашпен жабылған, шифер жабынымен қапталған 3 бөлмелі моншаның 1 бөлмесі толығымен жанып кеткен. Моншаның жалпы көлемі 12 шаршы метрді құраса, оның 6 шаршы метрі жанып кеткен. Бұл өртте ешкім зардап шеккен жоқ. Қазіргі таңда өрттің не себептен болғандығы анықталып жатыр.

Асылзат ӨСЕРҚЫЗЫ

Басты сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.