Ақтауда қараша айында 400 орындық жатақхана құрылысы басталмақ

©

Ақтауда 400 орындық жатақхананың салынаты жөнінде Маңғыстау облыстық білім басқармасы басшысының міндетін атқарушы Нұрлыбек Қойжанов аппарат жиынында мәлімдеді. Ол Елбасының «Бес әлеуметтік бастамасын» жүзеге асыру мақсатында қолға алынған жұмыстар жайында мәлімдеп, бірнеше жұмыс жоспарын таныстырды.

Оның айтуынша, облыстағы 27 колледжде (16-сы мемлекеттік, 11-і жекеменшік) 21244 студент білім алады. Сонымен қатар студенттердің жатақханаға қажеттілігі 1800 орынды құрайды. Осыған орай, Ақтау қаласынан 3б ш/а 52а ғимаратында 200 орынға арналған  жатақхананы республикалық бюджет есебінен сатып алу рәсімдері жүргізілуде. Ал осы ғимараттың жанынан тағы 400 орындық жатақхананың құрылысын қараша айында бастау жоспарланған. Нысан құрылысы МЖӘ негізінде жүргізілмек.

«Бұдан өзге МЖӘ арқылы 500 және 300 орындық екі жатақхана, сондай-ақ мемлекеттік бюджет есебінен Ақтау қаласынан тағы 500 орындық және Жаңаөзен қаласынан 100 орындық жатақхана салу жоспарланды», - дейді Нұрлыбек Қойжанов.

Басты сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.