Ақтауда «Интеллект-2018» зияткерлік сайысы өтті

Бүгін Ақтауда «Жастар үйінде» Ақтау қаласы әкімдігінің қолдауымен және қалалық жастар орталығының ұйымдастыруымен «Интеллект-2018» зияткерлік сайысы өтті.

«Интеллект-2018» сайысының мақсаты - білімді де білікті жастарды қолдау, студент жастардың зияткерлігін зерделеп, білімін шыңдау және олардың арасында командалық рухты қалыптастырып, достық қарым-қатынастарын нығайту. Интелектуалды жарысқа жоғары, техникалық және арнайы оқу орындарының студенттері, қалалық жастар орталығының қызметкерлері қатысты.

Зияткерлік сайысқа барлығы 5 топ қатысты. Атап өтсек, Қазақстан Теңіз университетінен «Аламан» тобы, Мұрын жырау Сеңгірбекұлы атындағы Маңғыстау гуманитарлық колледжінен «IQ» тобы, Маңғыстау политехникалық колледжінен «Парасат» тобы, Маңғыстау энергетикалық колледжінен «Дарын» тобы, сондай-ақ Каспий өңірі Болашақ колледжінен «Болашақ» тобы сайыста бақтарын сынады.

Командалар 3 кезең бойынша сайысқа түсті. Қатысушы студенттер әр кезеңдегі сұрақтарға жылдам әрі тез жауап беріп, өздерінің білімдерін дәлелдеуге тырысты.

Жарыс қорытындысы бойынша  I-орынды Мұрын жырау Сеңгірбекұлы атындағы Маңғыстау гуманитарлық колледжінің «IQ» тобы, II-орынды Қазақстан Теңіз университетінің «Аламан» тобы еншілесе, III - орынды Маңғыстау политехникалық колледжінің «Парасат» тобы иеленді. Ал «Дарын» және «Болашақ» топтары арнайы дипломдармен марапатталды.

Жеңімпаздарға алғыс хаттар мен кубок беріліп, сыйлықтар табысталды.

[gallery td_select_gallery_slide="slide" ids="61480,61489,61490"]