БАҚ өкілдері құрметке бөленді

Байланыс және ақпарат қызметкерлері күніне орай облыс әкімінің орынбасары Бану Нұрғазиева БАҚ өкілдерімен жүздесіп, төл мерекемен құттықтады.

Халық сөзін қолдаған, ел үшін қалам ұштаған 30-ға жуық журналист зор құрметке бөленіп, марапатқа ие болды. Бану Ғаниқызы құттықтау сөзін арнап, игі лебізін білдіріп, бірқатар телеарна мен газет тілшілеріне облыс әкімінің «Алғыс хатын» табыстады.

«ҚР Журналистер Одағы» облыстық филиалының төрағасы Петр Долматов ақжарма тілектерге қосылып, аймаққа белгілі журналистер – Айнахан Есет, Ағлен Таласбаева, Алтынгүл Меңдіханды «Құрмет грамотамен» марапаттады. Мәйекті ой, сырлы сөз зергері, ақын, ардагер журналист Айтуар Өтегенов «Құрметті журналист» атанды. Ал «Қазақстан – Ақтау» телеарнасының шеф-редакторы Маржан Медиева 50 жас мерейтойына орай аймақ басшысының арнайы құттықтауына ие болды. Билік пен халық арасында алтын көпір іспеттес тілшілер облыс әкімі орынбасарының алғыс хатын алды.

Құттықтау шара соңында еңбегі еленген БАҚ өкілдері алғыс айтып, өз ой-пікірлерімен бөлісті.

Ханым ҚУАТ Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.