Мақсат – бәсекелестікті реттеу

Қазақстан Республикасы ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің Маңғыстау облысы бойынша департаменті мемлекеттік органдарының бәсекелестікке қарсы іс-әрекеттерін тергеп-тексеру бөлімінің басшысы Сағадат Қошақова аймақтың БАҚ өкілдеріне брифинг өткізді.

- Қоғамда адал бәсекелес­тікті дамытуға, ҚР-­ның бәсекелестікті қорғау саласындағы заңнамасын бұзу­шылықтың алдын алу, анықтау және тергеп-­тексеру, экономи­калық шоғырлануды реттеу, бә­секелестікті шектейтін нарық субъектілерін монополиясыздан­дыру монополияға қарсы орган­ның міндеттері болып табылады.

ҚР кодексінің 90­-6-­бабына сәй­кес монополияға қарсы орган­ның құзыретіне нарық субъек­тілерінің, мемлекеттік, жергілікті атқарушы органдардың, мем­лекеттік нарық субъектілерінің қызметін реттеу функцияларын берген ұйымдардың Қазақстан Республикасының бәсекелестікті қорғау саласындағы заңнамасын бұзушылық фактілері бойынша осы кодексте белгіленген тәртіп­пен тергеп-­тексеру жүргізу кіреді.

Сағадат Қошақованың айтуын­ша, департаментпен Кәсіпкер­лік кодексінің 194­-бабына сәйкес мемлекеттік, жергілікті атқарушы органдардың, мемлекет нарық субъектілерінің қызметін рет­теу функцияларын берген ұйым­дардың әрекеттерінен немесе әре­кетсіздігінен шешім қабылдаудан көрінетін бәсекелестікті шектеуге немесе жоюға алып келген бір­неше тергеу басталған. 8 айдың ішінде 14 тергеп­-тексеру баста­лып, оның 12-­і аяқталған. Ал 2­-і уақытша тоқтатылды.

Аталған тергеудің 8 ісі бойын­ша ҚР Әкімшілік құқық бұзушы­лық туралы кодексінің 163­бабы 1 бөліміне сәйкес 8 лауазымды тұлғаларға қатысты 9 әкімшілік іс қозғалды деді, – Сағадат Қошақова өз сөзінде.

Департаментпен 3 лауазымды тұлғаға 2 886 000 теңге айыппұл салынса, лауазымды тұлғалардың өтініштері бойынша 5 әкімшілік істің құжаттары сотқа қаралуға берілген.

Нарық субъектілеріне қатыс­ты тексеру барысында 4 тергеп­-тексеру басталған. 1-­і аяқталып, 3­-і жүргізілуде. Кәсіпкерлік ко­дексінің 199-­бабына сәйкес, мо­нополияға қарсы орган тек қана нарық субъектілеріне емес, сон­дай-­ақ мемлекеттік, жергілікті атқарушы органдардың, мемле­кет нарық субъектілерінің қызме­тін реттеу функцияларын  бер­ген ұйымдарға да тергеп­-тексеру жүргізбестен, ҚР бәсекелестікті қорғау саласындағы заңнамасын бұзушылық белгілерінің бар екені туралы хабарлама жібереді.

Хабарлама – құқық бұзушы­лықтар белгілері бар болғанда тергеп­-тексеру жүргізбестен және жауапкершілікке тартпастан ал­дын­-алу шараларын қолдану болып табылады. Аталған әдіс құқық бұзушылықтарды және олардың пайда болу себептерін жоюға мүмкіндік береді. Осылай­ша, хабарламаны жіберу ҚР бә­секелестікті қорғау саласындағы заңнаманы бұзушылықты болдыр­мау үшін алдын алу шарасы болып есептеледі.

– Кәсіпкерлік кодексінің 221­-бабында монополияға қарсы ор­ганның лауазымды тұлғаларының құқықтары белгіленген. Атап айтқанда, тергеп­-тексеру ныса­насына сәйкес тексеру объектісі­нің дерекқорынан және де өзге электрондық жеткізгіштерінен құжаттардың, ақпараттардың көшірмелерін түсіріп алуға жә­не де тергеп-­тексеру объектісі қызметкерлерінің сол объектінің аумағындағы өзге де адамдардың әрекеттерін, тергеп­-тексеру объ­ектісінің үй-­жайындағы немесе аумағындағы мүлікті аудио, фото және бейне тіркеуді жүргізуге құқылы,  –деді мемлекеттік орган­дарының бәсекелестікке қарсы іс­-әрекеттерін тергеп-­тексеру бөлі­мінің басшысы Сағадат Қошақова.

Брифингте журналистер тара­пынан монополияға қатысты бір­шама сұрақтар қойылып, оған ма­мандар жауап берді.

Зухра ӘБДІЛ-САТТАР

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.