Ана – татулық пен бейбіт өмірдің гүлі

Халықаралық әйелдер күні қарсаңында «Қоғамдық келісім» коммуналдық мемлекеттік мекемесі ұйымдастырған мерекелік шара осылай аталды. Оған Маңғыстау облысының этномәдени бірлестігінің өкілдері арнайы шақырылып, сый-құрметке бөленді. Арнайы жайылған ақ дастарқан басында айтылған тілектер мен жылы сөздер, сый-сияпаттың барлығы аруларға арналды.

Маңғыстау облысы Қазақстан халқы Ассамблеясы хатшылығының меңгерушісі Гүлжан Исмурзина, «Қоғамдық келісім» КММ басшысы Амангүл Әбдіғалиқызы Ассамблея құрамындағы қыз-келіншектерді құттықтап, лебізін білдірді.

- Маңғыстау облыстық Қазақстан халқы Ассамблеясы ана, әпкелерімізді, сіңлілерімізді ақ дастарқан жайып, құттықтап жатырмыз. Бұған отыздан аса өзге ұлт өкілдерінің өкілдері қатысып отыр. Жалпы облыстық ассамблея құрамында 60-қа жуық қыз-келіншектеріміз бар. Олардың барлығы қоғамға өздерінің үлесін қосып жүрген белсенді арулар. Мұндай мерекені жыл сайын өткіземіз. 8 наурызда бір-бірімізге деген ыстық ықыласымызды, атқарған жұмыстарға ризашылығымызды білдіріп, марапаттаймыз. Барлық әйелдер қауымын алдағы мейраммен шын жүректен құттықтаймын, - деді Амангүл Әбдіғалиқызы.

Айта кетейік, облысымызда 20 этномәдени бірлестік бар. Соның алтауын әйелдер басқарып отыр. Олардың барлығы мерекелік шараға шақырылды.

Теңге БЕКМҰРЗАЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.