Маңғыстау облысында жазушы Ә.Кекілбаевтың мұрасын сақтауға мән берілуде

- Маңғыстау облысында халық жазушысы Әбіш Кекілбаев мұрасын сақтау жөніндегі арнайы комиссия құрылатын болады.

Маңғыстау облысы әкімі Алик Айдарбаевтың тапсырмасы бойынша  Қазақстанның халық жазушысы, көрнекті қоғам және саяси қайраткері Әбіш Кекілбаевтың мәдени мұраларын сақтау және  шығармаларын көпшілікке таныту жөніндегі арнайы комиссия құрылатын болады. Облыстық мәдениет басқармасы осы комиссияның мүшелерін анықтап, іс-қимыл жоспарын жасақтайды.

«Әбіш аға тек қана біздің аймаққа емес, сондай-ақ барлық елге танымал  тұлға. Бүгінгі біздің мақсатымыз - болашақ ұрпаққа ұлағатты мұрасын сақтап, таныту. Сол себепті, комиссия құру және шараларды жоспарлау кезде міндетті түрде Маңғыстау облысы тұрғындарының ой-пікірлері ескеріледі», - деді Алик Айдарбаев.

Ұзақ мерзімді жоспарды жүзеге асыру үшін жергілікті бюджеттен қаражат бөлінеді.

ҚазАқпарат

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.