Былтыр Маңғыстаудан солтүстік өңірлерге 300 тұрғын көшкен

©

2017 жылы Солтүстік Қазақстан, Павлодар, Шығыс Қазақстан облыстарының қатысуымен Ерікті қоныс аудару форумы және 2 республикалық бос жұмыс орындары жәрмеңкесі өткізілді. Нәтижесінде облыстың 300-ден астам тұрғыны осы аймақтарға көшкен. 

Олардың 70-і мемлекеттік қолдау шараларын (16 адам - Павлодар, 13 адам - Қостанай, 25 адам Шығыс Қазақстан облысы, 16 адам - Солтүстік Қазақстан облысы, соның ішінде Ақтау қаласы - 22 , Жаңаөзен - 23, Мунайлы ауданы - 25 адам) қолданған.

-Маңғыстаудан 2017 жылы Солтүстік өңірлерге 21 отбасы, яғни, 77 адам тікелей мемлекеттің көмегін алған. Сондай-ақ тұрғын үймен, жұмыспен қаматамасыз етілген. Алдағы наурыз айында солтүстік өңірлерден жұмыс берушілерді шақырып, бос жұмыс орындарының ауқымды жәрмеңкесін өткізуді жоспарлап отырмыз. «Жаңа Серпін» бағдарламасының аясында солтүстік өңірлердің әрбірінде біздің бір-бір қызметкеріміз жұмыс істеп отыр. Олар сондағы жұмыс берушілермен және сонда қоныс аударғандармен тікелей байланысып, бізбен қарым-қатынасты үйлестіріп отыр, - деді Жұмыспен қамтуды үйлестіру және әлеуметтік бағдарламалар басқарма басшысының орынбасары Қарашаш Нұрмамедова.

 Айта кетейік, бұл бағдарлама үстіміздегі жылы тағы да жалғасын табады.

Теңге БЕКМҰРЗАЕВА

Суретті түсірген ТАЛАНТ ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.