Маңғыстауда ІТ саласы қарқынды дамып келеді

Бұл сөзімізге қарашаның 15-16 күндері өткен «Қазіргі заманғы бизнестегі интернет-технологиялардың рөлі» атты үшінші аймақтық бизнес-конференцияcы дәлел.

Іс-шараның ұйымдастырушысы веб-технологиялар негізіндегі ақпараттық, компьютерлік және басқа қызметтерді жасаумен айналысатын «MedianaServicesLimited» ЖШС интернет-компаниясы.

«MedianaServicesLimited» ЖШС - қазіргі уақытта кәсіби деңгейде веб-технологиялар негізінде ақпараттық, компьютерлік және басқа да қызметтерді ұсынатын жетекші қазақстандық IT-компанияларының бірі.

Шараның алғашқы күні «Қазіргі заманғы бизнестегі интернет-технологиялардың рөлі» тақырыбын қамтыды.

Конференцияға елімізге танымал білікті сарапшылар спикер ретінде шақырылды. «Relog» компаниясының негізін қалаушы Бауыржан Рустемов әлемдегі заманауи технологиялар туралы әңгімелеп, IT-нарықтың бағытына тоқталды. Сурет, жарнама және медиа қалдықтар туралы сұрақтар бойынша «RaexGroup» инвестициялық компаниясының маркетинг және сату жөніндегі директоры Анна Осипова тәжірибесін ортаға салды. ARTA Software басшысы Болат Башеев электронды құжат айналымын енгізудің ерекшеліктері туралы әңгімелеп берді.

IT компанияның техникалық басшысы Өмірбек Құрбанбаев өз жобаларыңа инвестиция тарту және оны көтеру жолдарымен бөлісті. Ал компанияның бас директоры Қарлығаш Бекназарова конференцияны қорытындылады.

-Өңірімізде қазір ІТ саласындағы білімі бар, идеялары мол жастарымыздың қатары аз емес. Олардың жобаларын жүзеге асыруына қаржының жоқтығы кедергі келтіреді. Сол сияқты қаржыларын қайда салуды білмей жүрген меценаттарымыз бар. Енді осы жастар мен меценаттардың басын қосатын технопарк ашылса деген тілегім бар, - деп, жиындағы сөзінде Өмірбек Құрбанбаев осы ойды ортаға тастады.

Конференция қатысушылары екінші күні білім беру ісіндегі ІТ технологияны сөз етті. Онда МО Білім басқармасы басшысы Зейнеп Тастемірова, «Timur Academy» оқыту орталығының директоры Тимур Бектұр, «MedianaServicesLimited» жетекші маманы Қуаныш Османов, ForteBank АҚ Маңғыстау бөлімінің директоры Аббат Өрісбаев сынды бірқатар мамандар білім саласындағы облыстың ІТ қарқынын баяндады.

Бүгінгі күні ЖШС веб-жобаларды құру саласында өзін кәсіби компания ретінде қалыптастырды.

Компания құрылғаннан бері үш жүзден астам компаниямен ынтымақтастық орнатып, әр түрлі кәсіпорындар үшін жүздеген кәсіби веб-жобаларды әзірлеген.

Теңге БЕКМҰРЗАЕВА

Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.