Маңғыстауда құқық бұзушыларға 630 миллион теңге айыппұл салынған

©

Маңғыстау облысы жергілікті полиция қызметі 2017 жылдың 3 тоқсанының жұмысын қорытындылады.

Жергілікті полиция қызметінің бастығы Ұ.Т.Мылтықовтың мәліметінше, облыстағы жол-көлік оқиғасының саны – 6,6%-ға (229-дан 214-ке), қайтыс болғандардың саны – 11,9%-ға (59-дан 52-ге) және жарақат алғандардың саны – 11,8%-ға (280-нен 247-ге дейін) азайған.

Облыс бойынша 2017 жылдың 9 айында барлығы 126 854 әкімшілік құқық бұзушылық анықталып, сомасы 630 млн. теңге айыппұл салынған:

– 87 145 Жол қозғалысы ережесін бұзушылық бойынша 490 миллион теңгеден астам айыппұл салу туралы  78 142 қаулы шығарылған.

– 39 709 «Нөлдік төзімділік» бойынша 134 миллион теңге  көлемінде 20 442 тұлғаға айыппұл салынған.

Оның ішінде ҚР ӘҚБтК-нің 608 – бабы бойынша көлік құралын мас күйінде басқарудың 1100 дерегі: жүргізуші куәлігінен айырылғаны – 734, қамаққа алынғаны – 135 адам, 3 құқық бұзушы тіркелді. Оларға 1 млн. 89 мың 120 теңге сомасында айыппұл салынған.

Жергілікті полиция қызметі іздестіру бөлімшесінің қызметкерлерімен жыл басынан бері кісі өлімімен аяқталған, оқиға орнынан бой тасалаған жүргізушілер кездесетін – 3 жол-көлік оқиғасы ашылған.

Сонымен қатар, жол-көлік оқиғасын жасап, дене жарақатымен белгісіз бағытта ізін суытқан 23 жүргізуші ұсталып, материалдық залал келтірген 298 жол-көлік оқиғасы тіркелген.

Қылмыстың алдын алу мен болдырмау мақсатында ҚР ІІМ-нің нұсқауына сәйкес ағымдағы жылдың 10-қыркүйегінен 31-желтоқсанына дейін облыс аумағында ауқымды республикалық маңыздағы «Учаске» жедел-профилактикалық шарасы, сонымен қатар жол-көлік оқиғасын азайтуға бағытталған облыс көлемінде 3 кезеңнен тұратын «Қауіпсіз жол» шарасы өткізіледі.

Теңге БЕКМҰРЗАЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.