Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
©
Ақтау халықаралық әуежайында жол полициясы қызметкерлері Атырау қаласының 24 жастағы тұрғынын ұстады. Азаматтан діни мазмұндағы материалдар тәркіленді. Ол кінәлі деп танылып, әкімшілік жауапкершілікке тартылды.
Ішкі істер департаменті баспасөз қызметінің хабарлауынша, діни сараптама барысында әдебиетте діни өшпенділікке әкеп соғатын белгілер болғаны расталды.
Ақтау қаласының Мамандандырылған ауданаралық әкімшілік сотының шешімімен қолға түскен азамат тыйым салынған материалдарды сақтағаны үшін кінәлі деп танылды.
Қазақстан Республикасының Әкімшілік құқық бұзушылық туралы кодексінің 453-бабына сәйкес 100 АЕК (226,900 теңге) айыппұлмен әкімшілік жауапкершілікке тартылды.
Айта кетейік, ұсталған азаматтан 15 кітап, 17 кітапша, 10 брошюра және араб тіліндегі жазуы бар бірнеше парақша тәркіленді.
Теңге БЕКМҰРЗАЕВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.