Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
– 1700 ауылдық елді мекеннің 2 миллионнан астам тұрғыны сапалы интернетке қол жеткізеді. Бұл жайлы ҚР Ақпарат жəне коммуникациялар министрі Дәурен Абаев Үкімет отырысында айтты, – деп хабарлайды Baq.kz.
"Қазіргі күні Қазақстанның барлық 122 қаласы жəне шамамен 1200 ауылдық елді мекен талшықты-оптикалық желі арқылы жоғары жылдамдықты интернетке қол жеткізіп отыр", - деді Абаев.
Ведомство басшысының айтуынша, министрлік болашағы бар 1700-ге жуық ауылдық елді мекенге талшықты-оптикалық байланыс желісін тарту жұмысын қолға алып жатыр.
"Яғни, бұл 2 миллионнан астам тұрғын сапалы интернетке қол жеткізеді деген сөз. Жобада қамтылатын ауылдардың тізімі Ұлттық экономика министрлігімен бірлесе отырып, анықталу үстінде. Жалпы, бұл жоба 2018-2020 жылдар аралығында жүзеге асырылады деп жоспарланып отыр", - деді Абаев.
Министрдің айтуынша, жоба нәтижесінде 2021 жылға дейін ұзындығы 24 мың шақырым талшықты-оптикалық байланыс желілері тартылады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.