Сарға ауылында су құбыры құрылысы басталды(ФОТО)

Астана күні мерекесінде Маңғыстау облысы Сарға ауылының тұрғындарына сыйлық: су тазалау ғимараты мен ауылішілік су құбырының құрылысы басталды

Астана күні мерекесінде Сарға ауылының тұрғындарына су тазалау ғимараты мен ауылішілік су құбыры құрылысының басталуы үлкен сыйлық болды. Жобаның мақсаты – тұрғындарды тазартылған ауыз сумен  қамтамасыз ету. Жобалық қуаты аз емес, оның құрамына су құю станциясы – 91,2 м³/сағ, тазартылған суға арналған су құйма сыйымдылығы - 1000 м³; бастапқы суға арналған су құйма сыйымдылығы - 500 м³ кіреді. Нысан құрылысының құны 487,583 млн. теңге, мердігер  «Сико» ЖШС болып табылады. Жоба республикалық бюджеттен қаржыландырылды. ­­Құрылыс жұмыстары 2018 жылы аяқталады. Жоба 30 жергілікті тұрғынды жұмыспен қамтиды. Су құбырының ұзындығы - 27,275 шақырымды құрайды. Құрылыс жұмыстары аяқталғаннан кейін 200 тұрғын үйді сапалы ауыз сумен қамтамасыз етеді.

Облыс әкімі Ералы Тоғжанов Елбасы Жолдауында ауыл экономикасы мен инфрақұрылымын дамытудағы мемлекеттік саясат аймақтарда замануи стандарттарға сәйкес  тұруға қолайлы жағдай жасау үшін бағытталғанын атап өтті.

         Маңғыстау облысы әкімінің баспасөз қызметі Суреттерді түсірген Серік МАЙЕМЕРОВ

[gallery td_select_gallery_slide="slide" ids="29801,29813,29799,29814,29800,29798"]