Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
©
Жылдағы дәстүрге сай аудандық мәдениет үйінде өткен аудан әкімінің жаңа жылдық шыршасына ауданға қарасты барлық ауылдардан 100 бала қатысып, әрқайсысы елу мың теңгенің сертификатына ие болды.
Жаңа жыл қарсаңында жарым көңілдеріне жарық сыйлаған шарада оқушылар шыршаны айнала билеп, жаңа жыл туралы жақсы тақпақтарын жаудырды.
Бүлдіршіндерді табалдырықтан аттағалы тұрған жаңа тауық жылымен құттықтаған аудан әкімі Жармағанбет Айтуаров, аудандық мәслихат хатшысы Абзал Сарбалаев әр баланың маңдайынан сипап, оқуда озат болуларына тілектестік білдірді.
Биылғы жаңа жылдық кештің қойылымын дайындаған Өтес орта мектебі ұжымының шеберліктері мен балаларды қуантуға деген ыстық ықыластары байқалып тұрды.
Шаттыққа бөлеген шырша тойынан соң «Ақбөкен» мейрамханасы балаларға арнап мерекелік дастархан жайды. Жүз балаға арнап жайылған дастархан басындағы балаларға жаңа жылдық сыйлық таратқан мейрамхана үйлестірушісіне аудандық білім бөлімінің басшысы Светлана Қалиева барлық ата-аналар мен ұстаздардың атынан алғыс айтты.
Лаура АШЫҚБАЙ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.