Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Кеше Ақтау халықаралық әуежайында жолаушыларды эвакуациялаудың себебі анықталды, - деп хабарлайды mangystaumedia.kz.
5 сәуір күні сағат 21.00-де Ақтау халықаралық әуежайында патрульдік-бекеттік қызметі қарап-тексеру кезінде әуежай маңындағы қоқыс контейнерінің жанынан иесіз жатқан сөмкені тапқан. Осы ақпаратты алғаннан кейін Ақтау қаласы әуежайындағы желілік полиция бөлімінің жеке құрамы аумақты қоршауға алды. Жедел ден қою қызметіне хабарланып, 350-400-ге жуық адам әуежай ғимаратынан шығарылды. Саперлармен сөмкені қарау кезінде ешқандай қауіпті және тыйым салынған заттар табылған жоқ. Жедел-іздестіру шараларын жүргізу барысында көлік полицейлері осы сөмкенің иесін тапты, - делінген Көліктегі полиция департаментінің баспасөз қызметінің хабарламасында.
Көліктегі полиция департаментінің баспасөз қызметінің мәліметінше, сөмкенің иесі «Ақтау-Шымкент» бағытындағы әуерейсінің 21 жастағы жолаушысы екен. Ол өзінің рейсіне отыру барысында қолжүгінің салмағы тиісті лимиттен асып кеткен. Ал оған төлейтін қаражаты болмағандықтан сөмкені терминалдан шыға берістегі қоқыс жәшігіне қалдырып кеткен.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.