Кеше Ақшұқырда 9 адам газдан уланды

8 қараша күні Түпқараған ауданына қарасты Ақшұқыр ауылында 9 адам газдан уланды. Бұл туралы Маңғыстау облыстық төтенше жағдайлар департаментінің баспасөз қызметі мәлімдеді, - деп хабарлайды mangystaumedia.kz сайты.

Оқиға кешкі сағат 22:25-те уақытша тұрғын үйде болған. Үйдегі газ жылытқыш ақауынан 9 адам уланды. Қазіргі таңда 4 адам облыстық балалар емханасында жатыр. Ал қалған 5 тұрғынға алғашқы көмек көрсетіп, үйіне жіберді. Балалардың жағдайы тұрақты.

«Маңғыстау облысы төтенше жағдайлар департаментінен 5 қызметкер, 3 бірлік техника және 3 полиция қызметі, 1 бірлік техника жұмылдырылды. Уақытша тұрғын үйде 40 литр пропан қосылған газ баллоны болған. Бұған дейін департамент қызметкерлері аталған мекенжайда үгіт-насихат жұмыстарын жүргізіп, сақтық шараларын айтқан болатын», - дейді Маңғыстау облыстық төтенше жағдайлар департаменті басшысының орынбасары Мұрат Мұханов.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.