Маңғыстау ауданында 33 адам үй карантинінде жатыр

Маңғыстау ауданында эпидемиологиялық жағдай өзгермелі болып отыр. Қазіргі таңда ауданда 71 жағдай тіркелген, - деп хабарлайды mangystaumedia.kz сайты.

Инфекционный стационарда – 3 науқас, провизорда – 53 науқас емделіп жатыр. 28 науқас ауруханадан емделіп шықты. Науқастармен байланыста болғандар саны – 226 адам.

Үй карантинінде 33 адам бар, олар үй жағдайында ем қабылдауда.

Маңғыстау облыстық Бас мемлекеттік санитариялық дәрігерінің қолданыстағы қаулыларына сәйкес, аудандағы мекемелердің қызметкерлері қашықтан жұмыс істеуге көшті.

«Бұған дейінгі төтенше жағдай кезінде 5 мыңға жуық Маңғыстау ауданының тұрғыны 42 500 теңге алған болатын. Сонымен қатар мүмкіндігі шектеулі 2 284 адамға 5 567 теңгеден 12 715 028 теңге берілді. Ал коммуналдық қызметтерді өтеу бойынша тиесілі санаттағы 2 731 тұлғаға сәуір айы үшін 40 972 500 теңге қаржы төленсе, мамыр айында 3 104 өтініш қанағаттандырылып, жалпы соммасы 50 707 500 теңге қаржы төленді», - деді аудан әкімі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.