Маңғыстауда армениялық көліктерді тіркеуге қатысты сұрақтар үшін Call-орталық құрылды

Бұл туралы mangystaumedia.kz сайты МО Полиция департаментінің баспасөз қызметіне сілтеме жасай отырып хабарлайды.

Колл-орталық бүгін, 22 мамыр күні жұмысын бастады.

Орталықтың жұмысы «Қазақстан Республикасына көлiк әкелудің және Қазақстан азаматтарының Армения Республикасында тіркелген жеке көлік құралдарын 2020 жылдың 1 ақпанына дейін пайдаланудың кейбір мәселелері туралы» Қазақстан Республикасы Үкіметінің қаулысын түсіндіру бойынша халықты хабардар етпек.

8 (7292) 474510, 474511 байланыс телефондары бойынша дүйсенбі-сенбі күндері сағат 09.00-ден 19.00 аралығында қоңырау шалып, мамандардың жауабын алуға болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.