Серікбай Трұмов Жаңаөзен қаласы және Сенек ауылына барды

Бұл туралы Маңғыстау облысы әкімдігінің баспасөз қызметі хабарлады.

Аймақ басшысы Серікбай Трұмов COVID-19 індеті анықталған Жаңаөзен қаласы мен Сенек ауылына арнайы барып, қазіргі ақуалымен танысты. Блокпосттардың жұмысын арнайы барып көрді. Бүгінгі күні Жаңаөзен қаласының аумағына 4 блок пост қойылған.

Жаңаөзен-Ақтау;
Жаңаөзен - Түркменбашы;
Жаңаөзен - Қызылсай;
Жаңаөзен - Қарамандыбас. Барлық бекеттерді полиция, медицина, әкімшілік қызметкерлері тәулік бойы бақылауда. Жағдай тұрақты. Індет жұқтырған-11 адам.

Сенектегі блокбекет ауылдан 500 метр жерде орналасқан. Онда да жауапты мекеме қызметкерлері кезекшілік етуде. Осы уақытқа дейін тұрғындардан 242 сынама алынып, КВИ анықталған 9 үйге дезинфекция жұмыстары жүргізіліп, полиция күзеті қойылған. Соңғы мәлімет бойынша ауылда COVID-19 жұқтырған 18 тұрғын.

Облыс әкімі аудан, ауыл әкімдерімен кездесіп әлі де сақтық шараларын қатаңдату керектігін айтып бірқатар тапсырмалар жүктеді. Тұрғындарға той-садақа мен түрлі жиындар жасауға тыйым салуды және оны жіті бақылап отыруды тапсырды. Сондай-ақ, дезинфекциялық шараларды тұрақты жүргізіп, азық-түліктің уақытылы жеткізіліп тұруын ескертті. Ал, карантин ережесінің дұрыс сақталмауына байланысты Қарақия ауданының әкіміне сөгіс жарияланды. Сенек ауылының әкімін қызметінен босату мәселесі қаралуда.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.