Маңғыстау облысында коронавирус инфекциясы тағы 2 адамнан анықталды

Екеуі де «Теңізшевройл» мекемесінде жұмыс істейтін Ақтау қаласының тұрғындары. Олардың бірі 1965 жылы туған әйел адам, екіншісі 1964 жылы туған әйел адам. Олар 30 сәуір күні «Құлсары-Маңғыстау» пойызымен өңірге келген бойда үйлеріне жіберілмей, бірден Ақтаудағы обсервациялық стационарға жатқызылып, сынама алынған болатын. ПТР диагностикалық зерттеу нәтижелері бойынша COVID-19 диагнозы нақтыланды. Қазір облыстық жұқпалы аурулар ауруханасына жатқызылды, делінге МО ҚКО таратқан ақпаратта.

Эпидемияға қарсы іс-шаралар жүргізіліп жатыр.

01.05.2020 ж. жағдай бойынша өңірде барлығы 57 адамнан COVID-19 вирусы анықталды:

Ақтауда – 20;

Жаңаөзенде – 11;

Маңғыстау ауданында – 4;

Мұнайлы ауданында – 3;

Қарақия ауданы – 18;

Бейнеу ауданы - 1;

Жазылып шыққаны – 9;

Қайтыс болған – 1.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.