Тұщықұдық ауылдық округінің әкімі лауазымына 2024 жылғы 18 ақпанда өткен сайлау қорытындысымен Мұратбеков Жайық Қожабекұлы сайланды.
Мұратбеков Жайық Қожабекұлы 1992 жылы 29 қыркүйекте Маңғыстау ауданы Онды ауылында дүниеге келген. Білімі жоғары. 2014 жылы Л.Н.Гумилев атындағы Еуразия Ұлттық университетін тарих пәні мұғалімі мамандығы бойынша бітірген.
Еңбек жолында 2014-2015 жылдары «Шетпе лицейі» мектебінде тарих пәнінің мұғалімі, 2015-2020 жылдары «Шетпе гимназиясы» мектебінде директордың тәрбие ісі жөніндегі орынбасары, тарих пәнінің мұғалімі болды.2020 жылдан осы кезге дейін «С.Жаңғабылов атындағы жалпы білім беретін мектеп директоры қызметін атқарып келді.
Маңғыстау аудандық сайлау комиссияның төрағасы Л. Жонасов сайланған әкімге куәлік тапсырды, аудан басшысы Ғ. Ниязов сайланған әкімді ауыл активіне таныстырып, жоспарлы жұмыс жасауды жүктеді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
