«31 арнаның» бас директоры лауазымына Құрманбек Жұмағали тағайындалды

«31 арнаның» бас директоры лауазымына Құрманбек Жұмағали тағайындалды, деп хабарлайды mangystaumedia.kz.

Бұған дейін Ж. Құрманбек «Астана» телеарнасының бас директоры болып істеген.

«Жаңа телевизиялық маусымның басталуымен «31 арнаға» Құрманбек Жұмағали бастаған топ-менеджерлердің жаңа тобы келді», - деді «Верный Капитал» компаниялар тобының бас директоры және «31-арна» Бақылау кеңесінің мүшесі Ерлан Оспанов.

Ол 1985 жылы 27 тамызда дүниеге келген. 2008 жылы Абай атындағы Қазақ ұлттық педагогикалық университетін «Журналистика» мамандығы бойынша бітірді. Кәсіби мансабын «Қазақстан РТРК» АҚ телеарнасында редактор ретінде бастады, «Хабар агенттігі» АҚ-да редактор-жүргізуші, корреспондент болды.

2013-2018 жылдары мемлекеттік қызметте жұмыс істеді. Оның ішінде Қарағанды облысы әкімдігінде баспасөз қызметінің басшысы қызметін атқарды, Маңғыстау облысының ішкі саясат басқармасының басшысы болды.

2018-2019 жылдары «Қазақ радиосы» ЖШС-ны басқарды, «Қазақстан РТРК» АҚ Басқарма төрағасының бірінші орынбасары болды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.