Кәсіпкерлік және сауда басқармасының басшысы болып бұған дейін Мұнайлы ауданы Баянды ауылының әкімі қызметін атқарған Дастан Мұраталиев тағайындалды, деп хабарлайды mangystaumedia.kz Маңғыстау облысы әкімдігінің баспасөз қызметіне сілтеме жасап.
Дастан Мұратәлиев Т. Рысқұлов атындағы Қазақ экономикалық университетін және Ш. Есенов атындағы Ақтау университетін "Қаржы" және "құқықтану" мамандықтары бойынша бітірген.
Еңбек жолын 2011 жылы Мұнайлы ауданы әкімдігінде инспектор болып бастап, 2021 жылға дейін бас маман, ұйымдастыру-бақылау және мемлекеттік-құқықтық бөлімінің басшысы лауазымдарын атқарды. 2018 жылдан 2021 жылға дейін Мұнайлы аудандық кәсіпкерлік, ауыл шаруашылығы және ветеринария бөлімінің басшысы. 2021 жылы наурыз айынан бастап қазіргі уақытқа дейін Маңғыстау облысы Мұнайлы ауданы Баянды ауылының әкімі қызметінде болды.
Нұрлан Ноғаев басқарманың жаңа басшысына сәттілік тілеп, өңірдегі шағын және орта бизнес саласын дамытуға қатысты бірқатар нақты тапсырмалар берді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
