10 шілдеде облыс әкімі Нұрлан Ноғаев жастар саясаты мәселелері басқармасының жаңа басшысы Мұқаш Оралбайды таныстырды. Ол - бұған дейін Маңғыстау облысының жастар ресурстық орталығының директоры қызметін атқарған еді, деп хабарлайды mangystaumedia.kz облыстық әкімдіктің баспасөз қызметінп сілтеме жасап.
Мұқаш Оралбай Қазақстандық инновациялық және телекоммуникациялық жүйелер университетін "Менеджмент" мамандығы бойынша бітірген.
Еңбек жолын 2016 жылы "Нұр Отан" партиясы "Жас Отан" ЖҚ Маңғыстау облыстық филиалының маманы болып бастаған.
2017 жылдан осы уақытқа дейін жастар саясаты саласында жұмыс істеді. Маманнан қызметінен бастап, Маңғыстау облысының Жастар ресурстық орталығының басшысына дейінгі жолдан өтті.
Нұрлан Ноғаев жаңа басшыға сәттілік тілеп, өңірдің жастар саясаты саласын дамытуға қатысты бірқатар тапсырмалар берді.