_lBiWMqVF8d6YFe5H80AGxhLJ1LBKMW.jpg)
Батыр ауылдық округіне жаңа әкім сайланды. Басшылық міндетке Мұнайлы аудандық жер қатынастары бөлімінің бас маманы Айтбаев Сауыт Нұрғалыұлы, Батыр ауылдық округі әкімі аппаратының бас маманы Ахмедов Абылайхан Сәндібайұлы, Дәулет ауылдық округі әкімі Беков Нұрберді Андирұлы өз кандидатураларын ұсынған. Естеріңізге сала кетейік, Мұнайлы ауданы әкімінің 2020 жылғы 3 тамыздағы хатымен Батыр ауылдық округі әкімінің жұмыстан кеткендігін хабарлаған болатын.
«Кандидаттардың табыстаған құжаттары аудандық сайлау комиссиясымен жанжақты тексеріліп, құзырлы органдарға жолдаған сұрау салулардың оң қорытындысын алуына орай 2020 жылғы 13 тамызда аталған азаматтар кандидат ретінде тіркеліп, тіркеу хаттамасының негізінде «ҚР Сайлау туралы» заңының 37-бабына сәйкес тіркелген кандидаттар мемлекеттік тілде алфавит тәртібімен сайлау бюллетеніне енгізілді», - деді Мұнайлы аудандық сайлау комиссиясының төрағасы Зәуреш Қойбағарқызы.
Сайлаушыларға кандидаттар таныстырылғаннан соң бюллетень алып, арнайы кабиналарда жасырын дауыс берді.
- Құрметті Мұнайлы аудандық мәслихатының депутатта-ры, өздеріңіз берген дауыс нәтижесі бойынша Айтбаев Сауыт Нұрғалыұлы 66,7%, Ахмедов Абылайхан Сәндібайұлы 25%, Беков Нұрберді Андирұлы 8,3% дауыс жинады. Батыр ауылдық округінің әкімі болып Сауыт Нұрғалыұлы сайланды, - деді Зәуреш Нұрболат.
Айтбаев Сауыт Нұрғалыұлы 1989 жылы дүниеге келген. Мұнайлы аудандық Батыр ауылдық округінде тұрады. Ұлты – қазақ.
Тойгүл НҰРЖАНҚЫЗЫ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
