Ана тіліміз, діліміз - басты тұғырымыз

©

Қазақ – қашаннан тіл тазалығына, оның құдіретіне, ұлт өміріндегі алар орнына айрықша мән берген халық. Оған тарихи тұлғаларымыздың тіл жайлы айтып кеткен нақыл сөздері - дәлел. Солардан бірер мысал келтірер болсақ, даңқты батырымыз Бауыржан Момышұлының «Анамыздың ақ сүтімен бойымызға дарыған тілімізді ұмыту – бүкіл ата­-бабамызды, тарихымызды ұмыту» деген сөзі еске түседі.

Өзінің болмысынан, тари­хынан, тілінен ажыраған елдердің бірегей ұлт ретінде жойылып кететіні бел­гілі. Рухани жұтаң елді ешбір табиғи  байлықта, экономика мен саясатының мықтылығы да құтқарып қала алмайды. Себебі ұлтты ерекшелейтін – оның салт­-дәсүрі, тілі, ділі, діні. Дәл осы құндылықтардың қаншалықты маңызы, мемлекет үшін нендей мәні барына Елбасы Нұрсұлтан Назарбаевтың «Болашаққа бағдар: рухани жаңғыру» мақаласында толыққанды жауап берілген. «Болашақта ұлттың табысты бо­луы оның табиғи байлығымен емес, адамдарының бәсекелік қабілетімен айқындалады. Сон­дықтан әрбір қазақстандық, сол арқылы тұтас ұлт ХХІ ғасырға лайықты қасиеттерге ие болуы керек. Мысалы, компьютерлік сауаттылық, шет тілдерін білу, мәдени ашықтық сияқты фактор­лар әркімнің алға басуына сөзсіз қажетті алғышарттардың санатын­да» деген Президент пікірі бүгінгі қоғам алға тартып отырған өзекті мәселелерді    шешуге   мүмкіндік туғызатын тетіктерді көрсетіп берген. Жалпы елдің ертеңін тек экономикадағы жеңістермен бай­ ланыстырудың ауылы келмеске кетті. Сол сияқты, табиғи байлықта келешек өмірдің кепілі болудың негізгі өлшемі саналмайды. Қазіргі заман талабы азаматтар­дан жаңа дәуірге бейімделуді, өзгерістерден кеш қалмауды, бә­секеге қабілеттілікті арттыруды талап етуде. Ал бәсекеге деген қабілет, ең алдымен, адами ка­питал сапасымен анықталады. Ұрпағын ұлтшыл, отаншыл етіп өсіре алмаған, рухани мәселені ұмытып, материалдық байлықтың соңын қуған елдің ұтылар тұсы көп. Сондықтан Қазақстанды озық елдермен теңестіретін мықты ұрпақ, бәсекеге қабілетті ұл­қыз тәрбиелеу негізгі басымдық сана­лып отыр. Бәсекеге қабілетті ел дегенде көпшіліктің есіне бірден жапон халқы түседі. Неге? Себебі екінші дүниежүзілік соғыстан кейін әбден есеңгіреп, тоз­тозы шыққан Жапонияны аяғынан тік тұрғызған табиғи байлық, сырт­тан берілген көмек емес. Балық шаруашылығынан басқа сүйенері жоқ бұл елді әлемге мойындатқан – алғыр ұрпақтары. Жаңа заман технологиясының тілін тапқан жапондардың қолынан шыққан электроника құралдары бүкіл әлем сұраныспен алатын баға жетпес тұтыну затына айналды. Жапонияда шыққан көлікті тақым­дауды армандамайтын жан жоқ. Былай қарасаңыз, электроника тілін меңгеруге деген талап Оң­ түстік Корея, АҚШ-­та да болды. Бірақ Жапонияны алға шығарып отырған бір артықшылық  бар.  Ол – жапон өнертапқыштарының не шығарса да, қандай жаңалық ашса да оған ұлттық бояу, нақыш беретінінде. Мұны Мемлекет бас­шысы да жақсы аңғарып, бәсекеге қабілетті болу үшін көзсіз елік­теуден аулақ болу қажеттігін қа­перге салды. Қазақстан өз жолын қалыптастырып, үлкен елдер қал­тарысында қалып қоймауы керек.

Себебі оның мақсаты – қатар­дағы мемлекет болу емес, әлем­нің дамыған отыз елінің сапына қосылу. Бұған дейін көпке беймә­лім еліміздің дамыған елуліктің бірі болуды межелегені есімізде. Елбасы мен ел бірлігінің нәти­ жесінде ол мақсатқа жету қиын­дық тудырмаған еді. Ендеше, бір­лігі жарасқан, жүзден аса ұлт пен ұлыстың отанына айналған Қазақ­станның озық отыз елдің бірі ата­нуы да алдағы күннің еншісінде.

Райхан  ЕРЖАНОВА,

Ақтау қалалық №2 сотының судьясы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.