Форт-Шевченко қаласында орналасқан Балалар жасөспірімдер спорт мектебінде облыстық Дзюдо федерациясының бірінші вице-президенті, халықаралық дәрежедегі спорт шебері, самбодан әлемнің үш дүркін жеңімпазы Қанат Жұмабаев Aq-Ketik sports және Түпқараған аудандық БЖСМ қатысушыларына шеберлік сағат өткізді, - деп хабарлайды mangystaumedia.kz сайты аудан әкімдігіне сілтеме жасап.
Қанат Қошқарбайұлы Aq-Ketik sports және БЖСМ дзюдо үйірмесінің жай-күйімен танысып, дзюдошылар мен жаттықтырушыларының жұмыс барысын көрді. Сонымен бірге дзюдошыларды дайындауда қолданылатын әдіс-тәсілдер, психологиялық, дене қабілеттерін дамыту және жарыс әрекетіне деген дайындық жұмыстары бойынша қыр-сырларымен бөлісті.
Жас спортшылар шеберлік сағаттан алған әсерімен бөлісті.
- Бойында педагогикалық талап пен спортшының сіңірген еңбегі бар бапкер ағамыздан қолдау көргенімізге, бізге айтқан тәрбиелік мәні жоғары әңгімелеріне және өткізген жаттығуына алғыс айтамыз, - дейді жас дзюдошылар.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
