Маңғыстау спортшылары 2023 жылы қандай жетістіктерге қолжеткізді?

Биыл Маңғыстау облысының спортшылары халықаралық және республикалық жарыстарда биіктен көрінді. Осы орайда mangystaumedia.kz тілшісі 2023 жылға бойынша спортшылардың жетістігіне шолу жасап көрді.

1. Биыл Қытайда өткен Азия Ойындарында Маңғыстау облысының спортшылары да қатысты. Оның ішінде 68 келі салмақ таеквондошы Эльдар Бірімбай қатысты. Ол бұл таеквондодан (WT) ересектер арасында өткен ҚР кубогында топ жарып, жеңіп алды. Эльдар Бірімбай осы жылы Австрия Инсбрук қаласында таеквондодан( WT ) халықаралық Austrian Open G-1 рейтингтік турнирінің жеңімпазы атанған болатын.

2. Жерлесіміз Әбу-Бәкір Жәнібек джиу-джитсудан әлем чемпионы атанды. Сондай-ақ, спортшы ақпан айында Бангкокта (Тайланд) джиу-джитсудан Азия чемпионы атанды. Осылайша Әбу-Бәкір жылдың маңызды қос жарысында оза шауып, өз әлеуетін толық көрсетті.

3. Токио Олимпиадасынан кейін ұзақ уақыт әуесқой бокстан үзіліс алған маңғыстаулық Бекзат Нұрдәулетов ұлттық құрамаға қосылды. Ол қараша айында бокстан Астанада өткен VI жазғы Спартакиаданың күміс жүлдегері атанды.

4. Қазақ күресінен әлем чемпионы Нұрдәулет Жарылғапов 100+ салмақ екінші жыл қатарынан “Дала қыраны” титулына ие болды. Сондай-ақ, Нұрдәулет биыл «Қазақстан барысы» турнирінің күміс жүлдегері (2022, 2023ж.ж.), Азия чемпионатының жеңімпазы (Өзбекстан, 2023 ж.) болды.

5. Дзюдошы Асқар Нарқұлов Қытайда өткен дүниежүзілік универсиада ойындарында қола жүлдеге қолжеткізді. Айта кетсек, осы жылы Асқар Нарқұлов дзюдодан әлемдік Qazaqstan Barysy Grand Slam жарысының қола жүлдегері атанған болатын. Бұдан бөлек, дзюошы Сұңғат Жұбатқан Душанбеде өткен Гран-при жарысының қола жүлдесін тағынды.

6. Жастар арасында Камиль Куруглиев еркін күрестен Азия чемпионы атанды. Ол шілдеде Иордания астанасы Амман қаласында сынға түсіп, 92 келіде өзінің үздік екенін дәлелдей алды.

7. Самбодан өткен әлем чемпионатында 54 келі салмақта маңғыстаулық Гүлдана Әлмұхамбетова қола жүлдегер қол жеткізді. Сондай-ақ, спортшы тамыз айының басында Ереванда Армения ұлттық олимпиада комитетінің президенті Г.Царукянның кубогында қола жүлдегер атанды.
Сонымен бірге, Беларустегі Жлобин қаласында өткен жатқан ТМД елдерінің II ойындарында самбо спорт түрінен қола медальға қол жеткізді.

8. Сондай-ақ, маңғыстаулық Әсем Таңатар бокстан жастар арасындағы Азия чемпионы атанды.

9. Екінші рет өткен “Ұлы дала жорығы» жарысында Маңғыстау облысының шабандозы рекорд орнатты. “Рекорд” командасындағы 21 жастағы Мағжан Абдолұлы 1300 шақырымды атпен бағындырды.

10. Биыл маңғыстаулық Бейбіт Жұқаев алғаш рет челленджер турнирінің чемпионы атанып, жанкүйерлер мерейін тасытты. Ол қазір әлемдік рейтигте 188-ші орынға жайғасты. Биыл жерлесіміз Шарлотсвиллде (Вирджиния, АҚШ) челленджер турнирінің жеңімпазы атанып, Қазақстанның Александр Бубликтен кейінгі екінші ракеткасы болды.

11. Биыл Маңғыстау дзюдошылары үшін табысты жыл деуге болады. Биыл Нұргелді Қанат 60 келіде Белоруссияда өткен ТМД елдерінің II ойындарының күміс жүлдегері атанса, Ташкентте жалауы желбіреген Азия Кубогында маңғыстаулық Есен Мұңал 66 келіде Азия Кубогының қола жүлдегері атанды.

12. Ал қараша айында ел чемпионатына қатысқан Маңғыстау облыстық құрамасы екі алтын медальмен үздік үштікті түйіндеді. Оның ішінде 73 келіде Асқар Нарқұлов пен 81 келіде Мейірлан Максим ел чемпионы атанды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.