Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Астанада күрес түрлерінен аяқталған ел чемпионатында Маңғыстау облысының балуандары еркін күрес бойынша жалпы командалық есепте үшінші орынға тұрақтады, деп хабарлайды mangystaumedia.kz.
Қазақстан біріншілігінің соңғы жарыс күнінде 97 келіде күрескен Камиль Куруглиев жартылай финалға дейін жетті. Финалға жолдама беретін сында жерлесіміз Жамбыл облысының өкілі Әлішер Ерғалиға есе жіберді. Алайда шешуші белдесуде өз мүмкіндігін мүлт жібермеген Камиль ересектер арасындағы чемпионаттың қола жүлдесіне қол жеткізді.
Камиль Куруглиев бұған дейін 92 келіде жастар арасында Азия және әлем чемпионы атанған. Ол биыл ересектер арасындағы додаға алғаш рет қатысып, жүлделі орынға ілініп отыр.
Сондай-ақ, аталған біріншілікте еркін күрестен 65 келіде Маңғыстау облысының өкілі Майис Алиев Қазақстан чемпионы атанды. Бұдан бөлек, 86 келіде өнер көрсеткен маңғыстаулық Наурыз Ахметханов те қола жүлдеге ие болды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.