Бекзат Нұрдәулетов Алматыда жекпе-жекке шығады

© Архив

Маңғыстаулық кәсіпқой боксшы Бекзат Нұрдәулетов Алматыда өтетін бокс кешінде өнер көрсетеді, деп хабарлайды mangystaumedia.kz.

27 сәуірде «IBA-ның чемпиондар түні» кешінде еліміздің бірнеше боксшысы сынға түседі. Олардың қатарында әлем чемпионы Бекзат Нұрдәулетов те бар.

Жерлесіміз жартылай ауыр салмақта Доминикан Республикасының өкілі Луис Антонио Техедамен шеберлік байқасады. Аталған сында жеңіске жеткен боксшыға қомақты ақшалай сыйақы беріледі.

Сондай-ақ, аталған бокс кешіне Олимпиада чемпионы Данияр Елеусінов қатыспайтын болды. Ол әлем чемпионатының күміс жүлдегері, Азияның екі дүркін чемпионы, өзбекстандық Саиджамид Джафаров кездесуі тиіс еді. Алайда Елеусінов жарақатына байланысты бұл сыннан бас тартты. Оның орнына бірінші орта салмақта Талғат Шәйкен шаршы алаңға шығады.

Алматыдағы бокс кешінде өнер көрсететін боксшылары тізімі:
Әли Ахмедов – Карлос Риверо (Венесуэла) – екінші орта салмақ;
Абель Мина (Эквадор) – Магомед Мадиев (Ресей) – орта салмақ;
Фарух Тоқтасунов – Юрий Осипов (Ресей) – бірінші орта салмақ;
Бекман Сойлыбаев – Давит Азизян (Армения) – жеңіл салмақ;
Теміртас Жүсіпов – Анвар Ходжиев (Қырғызстан) – ең төменгі салмақ;
Адлан Селмурзаев – Артуш Оганисян (Армения) – жартылай ауыр салмақта.

Айта кететін жайт, билеттен түскен қаражат су тасқынынан зардап шеккен аймақтарға көмек ретінде аударылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.