Ақтауда базар жастары арасында шағын футболдан турнир өтті

Ақтауда «Маңғыстау Арена» спорт кешенінде базарда жұмыс істейтін жастар арасында шағын футболдан «Теңбіл доп» атты жарыс өтті, - деп хабарлайды mangystaumedia.kz.

Қоғамдық коммуникация орталығының хабарлауынша, іс-шараның мақсаты — жастар арасында салауатты өмір салтын насихаттау.

- Жарыс өңірде алғаш рет өтіп жатыр. Қала бойынша 6 базар қызметкерлерінен құрылған команда өзара тартысты ойын өткізді. Алдағы уақытта бұл турнирді облыстық деңгейде ұйымдастыру жоспарланған,-дейді облыстық Жастар орталығының ақпарат бөлім басшысы Тілекқабыл Файзуллин.

Нұрбол Назаров — 27 жаста. Ол бүгінгі жарыста «Nazar Stroi» командасында өнер көрсетті.

- Өте жақсы ойын болды. Қарсыластарымыз да мықты дайындықпен келген. Бірінші турда 4-1 есебімен ұттық. Бастамасы өте жақсы. Мұндай жарыстар көптеп ұйымдастырылғаны дұрыс. Жарыс өтеді деген күннен бастап, бірден жаттығуға кірістік. Яғни командамызбен бірге салауатты өмір салтын ұстанып, ұдайы түрде спортпен шұғылданып жүрміз,-дейді Нұрбол Назаров.

Жеңімпаздар тізімі:

????Бас жүлдені «Масат» базарының жастары алды.

????2-орынды «Сак» базарының жастары иеленді.

????3-орынға «Мағаш» базарының жастары ие болды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.