«Каспий» футзал клубы жартылай финалға шықты

«Каспий» футзал клубы Қазақстан чемпионатында жартылай финалға шықты. Финалдық ойында жергілікті команда оралдық «Бәйтерекпен» кездесті, - деп хабарлайды mangystaumedia.kz сайты.

Ақтаулықтар үш кездесудің екеуінде жеңіске жетті. Оралдық команда алаңында өткен алғашқы ойында 5:1 есебімен есе жіберді. Ал өз алаңындағы жауапты ойында 4:3 есебімен «Каспий» жеңіске жетті. Үшінші кездесуде де жеңіс «Каспийдың» еншісінде болды.
Яғни кездесудің алғашқы таймы 2:2 есебімен тең аяқталды.

Дегенмен екінші таймда жергілікті команда 4 голды қарсылас қақпаға салып, есепті еселеді. Осылайша, бұл ойын оралдықтар үшін олжалы болмады. Ойын 6:4 есебімен «Каспий» футзал командасының пайдасына шешілді.

Енді жартылай финалда ақтаулық футболшылар Рудныйдың «Аятына» қарсы кездесу өткізеді. Ойын Рудный қаласында 15 және 16 мамыр күндері өтеді.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.