Бүгін Таразда самбодан жастар арасында ҚР-ның чемпионаты аяқталды. Маңғыстаулық екі спортшы алтыннан алқа тақты, - деп хабарлайды mangystaumedia.kz сайты.
ҚР чемпионатында 98 келі салмақта Салауат Тоқсанов қола медаль иеленді. Мерейлім Кеңесбек 50 келі салмақта сынға түсіп, қола медальді қанжығаға байлады. Ал Айкүн Рахметова 54 келі салмақта, Айбек Сайлаубаев 64 келі салмақта белдесіп, ел чемпионы атанды.
Айта кетейік, байрақты бәсекеде Азия және Әлем чемпионатының жолдамалары сарапқа салынды.
"Маусым айында Ливан мемлекетінде өтетін Азия чемпионатына Маңғыстаудан төрт спортшы барады. Олар - Айкүн Рахметова, Қуанышбек Көмеков, Айбек Сайлаубаев, Гүлдана Әлмұханбетова. Осы тұрғыда Маңғыстау облысының Самбо федерациясында басшылықта қызмет атқарып жүрген Бекнұр Бәлиұлына, Нұркен Тәменов және Элдар Машырықовқа, облыстық спорт басқармасына ерекше алғыс айтамыз", - деді "Жас батыр" спорт мектебінің басшысы Манарбек Бисекенов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
